Para a obtención do conxunto de datos empregáronse:

Datos climáticos de 160 estacións de Meteogalicia a data de 26/04/2014

Modelo Dixital do Terreo (MDT-200) do Instituto Geográfico Nacional a data de 30/03/2014

Base cartográfica Nacional (BCN200) do Instituto Geográfico Nacional a data de 30/03/2014

Analízanse os datos climáticos de 160 estacións para establecer os valores medios en 7 variables: aridez estival, radiación solar anual, continentalidade, termicidade invernal, termicidade estival, inercia térmica e vento.

A continuación realízase unha análise de regresión para cada variable, a excepción da radiación solar para a que xa existen datos espaciais, coa finalidade de extrapolar os resultados puntuais das estacións e clasificar a totalidade do territorio galego. Calcúlase a correlación de cada variable con parámetros xeográficos (altitude, lonxitude e latitude).

A partir das fórmulas obtidas pola regresión, créase unha capa raster por cada variable, obtendo as seguintes capas:

• Aridez estival

• Continentalidade

• Termicidade invernal

• Termicidade estival

• Inercia térmica

• Vento

Á que se engade a capa de radiación solar anual obtida de meteogalicia

Clasifícanse os datos en cada capa para obter 6 zonas según cada variable. A división realízase mediante intervalos naturais.

Xúntanse as 7 capas nunha soa, en formato vectorial, onde a zonificación según cada variable está recollida na táboa de atributos.