Avalíanse as parcelas catastrais con uso residencial que non foron reformadas despois do ano 2006. Asígnaselle a cada edificación unha tipoloxía construtiva en función da data de última reforma así como uns datos de consumo e de perdas en función da avaliación de cada unha das parte da envolvente de forma individualizada. A partir destes datos proponse unha serie de actuacións (aumento da illamento e substitución de carpintarías) que conseguen unha mellora con respecto o cerramento orixinal previsto que implican unha rebaixa do consumo da calefacción e das emisións de CO2. Tamén se realizaron consultas sobres os custos das actuacións entre diferentes empresas de construción co que se conseguiron unha estimación de custos das propostas así como unha estimación do VAN.

Para poder avaliar os resultados obtidos deberá terse en conta as simplificacións e condicionantes previos que xorden das limitacións do modelo.

- A cada edificio obxectivo asignáselle unha solución construtiva e datos de consumo en función da súa data de última reforma e a súa tipoloxía. Dado a gran cantidade de variables existentes simplifícase o modelo de cálculo a nivel de toda Galicia levándonos a reducilo a 3 solucións construtivas e 4 tipos de consumo en función da súa maior ou menor altitude e que se trate dunha vivenda unifamiliar ou colectiva

- Na estimación das perdas pola envolvente (fachadas, cubertas, chan e fiestras) non se tiveron en conta as perdas por pontes térmicas e infiltracións nin as ganancias solares.

- Para o cálculo da calefacción tómase como referencia que todas los edificios teñen un caldeira alimentada con gasóleo (instalación tipo nos datos de referencia do CTE). O dato de calefacción obtido serían os kwh anuais necesarios para manter a temperatura do edificio a 20 graos.

- Para o cálculo das fachadas dos edificios tívose en conta o número de andares que define catastro no seu shapefile e unha altura entre forxados de 3m

- A superficie de ventás estimouse nun 10% da superficie habitable.

- As propostas de rehabilitación fixéronse tendo en conta unha actuación global sobre os edificios de vivenda unifamiliar con altura inferior a 2 plantas e no resto de edificios con tipoloxías de vivenda colectiva considerase unha actuación sobre a envolvente sen ter en conta a planta baixa por estar destinada habitualmente a usos distintos os de vivenda. A estimación do custe fíxose tendo en conta un edificio en bo estado co que non se valorou o estado de conservación e as posibles reparación complementarias a actuacións de mellora da eficiencia enerxética